Пассив хаустай холбоотой подкастын онцлох зөвлөгөөнүүд 

-Дулаалга зузаан байлаа гээд байшин дулаахан болчихгүй. Битүүмжлэл гэж чухал зүйл бий. Дулаалга, битүүмжлэл хоёр хосолж байж эрчим хүчний хэмнэлттэй хаус руу ойртоно. 

-Дулаалгыг хэвийн хэмжээнээс илүү сайн хийх хэрэгтэй. 

-Зүүний сүвэгчийн чинээ ч нүх гаргахгүй, маш сайн битүүмжлэх шаардлагатай. Дулаалгаа хийснийхээ дараа битүү хөөсөөр битүүмжилж өгөх нь чухал. Маш сайн дулаалга хийж өгсөн ч битүүмжлэхгүй бол гаднаас салхи сийгэнэ, доторх дулаан агаар гадагшилна.  

-Дулаалга хийхгүйгээр битүүмжилж болох юм биш үү гэж хүмүүс асуух байх. Шууд битүүмжлэхээр дулаан дамжуулах гүүрүүд бий болж, хамаг дулаанаа гадагш алдана.  

-1 метр квадрат талбайг халаахдаа та цагт  15 кВт болон түүнээс бага эрчим хүч хэрэглэж байвал энэ пассив болчихож байгаа юм.  Үүнээс дээш буюу 30 кВт/ц эрчим хүч хэмнэж байвал эрчим хүчний хэмнэлттэй байшин болдог. 

-Би нэг давхар байшин барьсан. 1 метр 30 см гүн суурь ухсан.  10 см-ын ул бетон хийгээд, 1 метр 20 см-ын суурь цутгасан. Сууриа гадна талаар нь 10 см-ын хөөсөөр дулаалсан. Сууриа цутгасны дараа суурин дээрээ шалны дулаалга болгож 35 см-ын зузаан хөөс дэвшсэн. Нэмээд 15 см-ын зузаан бетон цутгаж, чийг тусгаарлагчаа тавьсны дараа паркетан шалаа тавьсан.  Хоёр тоо хэрийн зузаан шалны дулаалга хийж өгсөн.  Сууриа тойруулаад байшингийн хаяавч хийсэн. 

 -Ханаа 40 см зузаан хийсэн. Ханаа монгол базальтаар дулаалсан. Дөрвөн талын хана, дээврийг бүхэлд нь монгол базальт болон шилэн хөвөнгөөр дулаалсан.  Ихэнх байшинг 10-15 см-ын зузаан дулаалгатайгаар барьдаг. Бид 40 см дулаалга хийсэн.  

-Цонх бол 3 давхар вакум. 

-Цонх том байгаагийн шалтгаан нь нарны гэрлийг илүү шингээж авах зорилготой.  Дулаалга, битүүмж сайтай учраас цонхоор дамжуулж нарнаас авсан дулаанаа алддаггүй.  

-Байшингийн хамгийн их дулаан алддаг хэсэг нь дээвэр, хана, шал. Энэ гурвыг маш сайн дулаалж, битүүмжилж чадвал дулаан алдагдал багатай, эрчим хүчний хэмнэлттэй амьдарч болно. 

-Халаалтаа дулааны ямар ч эх үүсвэрээр шийдэж болно. Гэхдээ түлш түлбэл таны тав тухыг алдагдуулна. Тиймээс цахилгаан халаалтын бойлер сонгосон нь илүү оновчтой. Гэхдээ эрчим хүч бага хэрэглэдэг, хэмнэлттэй халаалтын системийг сонгох нь зөв.