Газрын харилцаатай холбоотой бүх төрлийн мэдээлэл, үйлчилгээ авах КИОСК машиныг хэрэглээнд нэвтрүүллээ
admin
0
4
Газартай холбоотой 70 орчим төрлийн үйлчилгээг цахимаар, шуурхай авах боломж бүрдлээ. Тодруулбал: 52 төрлийн өргөдлийг цахимаар өгөх, 12 төрлийн мэдээлэл, лавлагаа, тодорхойлолтыг үнэ төлбөргүй хэвлэн авах боломжтой юм. Мөн цахим хүсэлт, өргөдлийнхөө шийдвэрлэлтийн явцыг шалгах боломжтой. Дээрх цахим үйлчилгээг үзүүлэх киоск машиныг Төв аймгийн Алтанбулаг, Баянчандмань, Баянцогт, Батсүмбэр, Сэргэлэн, Жаргалант, Эрдэнэ зэрэг долоон суманд, мөн аймгийн төрийн үйлчилгээний нэгдсэн төвд суурилуулж, хэрэглээнд нэвтрүүллээ. Цахим машинаас иргэн, хуулийн этгээд дараах үйлчилгээг авах боломжтой. Үүнд:
- Газар өмчлөх, эзэмших, ашиглах эрхийн гэрээ;
-Газар өмчлөх, эзэмших, ашиглах эрхийн гэрчилгээ;
-Кадастрын зураг;
-Газрын барьцаа, төлбөрийн мэдээлэл лавлагаа;
-Газрын төлбөрөө QR-аар төлөх;
-Газрын төлөв байдал чанарын хянан баталгааны дүгнэлтийг авах боломжтой юм. Энэхүү киоск машин нэвтэрснээр газрын харилцааны салбар дахь шат дамжлагыг цөөлөх, оочер дарааллыг бууруулж, төрийн үйлчилгээг ил тод, түргэн шуурхай болгож, цаг хугацаа хэмнэх ач холбогдолтой.
