“Ногоон барилгын материалын тухай ойлголт” уулзалт зохион байгууллаа
admin
0
2
“Ногоон барилгын материалын тухай ойлголт” уулзалт, семинарыг 2022 оны 3-р сарын 22-ны өдөр салбарын мэргэжилтнүүдийн дунд Монгол улсын Барилга, Хот Байгуулалтын Яам, Монголын Материал Үйлдвэрлэгчдийн Холбоо, Германы Олон Улсын Хамтын Ажиллагааны Нийгэмлэг (GIZ) хамтран зохион байгууллаа. Уулзалтын зорилго байгаль орчинд ээлтэй, эрчим хүчний хэмнэлттэй, ногоон барилгын материалын тухай нэгдсэн ойлголттой болох, ногоон материалыг үнэлэх, дэмжих, гэрчилгээжүүлэх талаар хэлэлцэх, шийдэл олоход чиглэж байсан юм.
Салбарын мэргэжилтнүүд уулзалтын үеэр “Монгол Улсад хэрэгжүүлж байгаа барилгын салбарын ногоон бодлого”, “Ногоон барилгын материалын тухай ойлголт”, тэр дундаа “Эрчим хүч шингээсэн материалын ойлголт, үнэлгээ”, “Олон улсын сайн туршлага, EDGE гэрчилгээтэй барилга барьсан, ногоон барилгын материал ашигласан туршлагын талаар илтгэлүүдийг тавьлаа.
Уулзалтыг ХБНГУ-ын Эдийн Засгийн Хамтын Ажиллагаа Хөгжлийн Яамны (ЭЗХАХЯ) төр хувийн хэвшлийн түншлэл DeveloPPP.de хөтөлбөрийн хүрээнд Германы олон улсын хамтын ажиллагааны нийгэмлэг (GIZ), хувийн хэвшлийн аж ахуйн нэгжүүдтэй хамтран хэрэгжүүлж буй “Барилгын салбар дахь стратегийн түншлэл” төсөл дэмжин ажиллаж байна.
