"Солонго" хороололд урьдчилсан захиалга аваагүй
admin
Монгол Улсын Засгийн газрын мөрийн хөтөлбөр, “Алсын хараа 2050” урт хугацааны хөгжлийн бодлогын хүрээнд нийслэлийн Хан-Уул дүүргийн 21 дүгээр хорооны нутаг дэвсгэрт БНСУ-ын хөнгөлөлттэй зээлийн санхүүжилтээр баригдаж буй дэвшилтэт технологийг шингээсэн, ухаалаг систем бүхий орлогод нийцсэн 5,002 айл өрхийн амьдрах “Солонго-1”, “Солонго-2” орон сууцны хорооллын барилга угсралтын ажил үргэлжилсээр байна. Энэхүү төслийн эхний ээлжийн байрууд энэ оны дөрөвдүгээр улиралд ашиглалтад орно. Байр ашиглалтад орсны дараа Засгийн газар журам гаргаж, худалдах болон бусад хэлбэрээр иргэдэд эзэмшүүлэх асуудлыг шийдэх юм. Түүнээс өмнө ямар нэгэн байдлаар урьдчилгаа захиалга авахгүй. Тиймээс иргэд энэ төрлийн залиланд өртөхгүй байхыг анхааруулж, сэрэмжлүүлж байна.
