Орон нутагт эрчим хүчний үр ашгийг дээшлүүлэх үйл ажиллагааны төлөвлөгөө боловсруулах сэдэвт сургалт боллоо
admin
Барилга_хот_байгуулалтын_яам, Эрчим хүчний зохицуулах хороо, Германы Олон Улсын Хамтын Ажиллагааны нийгэмлэгийн “Монгол дахь барилга байгууламжийн эрчим хүчний үр ашгийг дээшлүүлэх төсөл”-өөс хамтран зохион байгуулж буй “Орон нутагт эрчим хүчний үр ашгийг дээшлүүлэх үйл ажиллагааны төлөвлөгөө боловсруулах” баруун бүсийн сургалт Ховд аймагт 2022 оны 4 дүгээр сарын 14, 15-нд боллоо. ,
Тус сургалтад Баян-Өлгий, Увс, Ховд, Говь-Алтай, Завхан, Баянхонгор аймгийн ЗДТГ, ИТХ, Газрын харилцаа, барилга, хот байгуулалтын газар, Эрчим хүчний зохицуулах зөвлөл, Мэргэжлийн хяналтын газруудын төлөөллүүд оролцож, аймаг, орон нутагтаа эрчим хүчний үр ашгийг дээшлүүлэх талаар авах арга хэмжээ, цаашдын төлөвлөгөө боловсруулах чиглэлээр мэдлэг, мэдээлэл авлаа. Сургалтын үеэр аймгуудын Газрын харилцаа, барилга, хот байгуулалтын газруудад барилгын дулаан алдагдлыг хянадаг “Дулааны камер” хүлээлгэн өгч, оролцогчдод сертификат олголоо.
